新年伊始，先祝大家雞年行大運，今年賺到盆滿缽滿！港股歲晚收爐前，受美股破兩萬點帶動，升穿23,151點的重要阻力。時間上對於好友而言，實是可惜，農曆新年假期休市，升市未能一鼓作氣，挾淡兼逼基金追倉，追破位反而要冒兩日外圍風險。本欄已明言，既然港股要靠美股破關帶動，與其揸倉壓年，看好的倒不如直接追買道指或標指期貨。
到底華爾街神經質，抑或特朗普這位總統行事神經刀？美股逐漸擔心狂人濫用行政指令推倒舊政策的風險。周一晚美股一度跌超過兩百點，美股現水平是否多間大行所認為般吸引，非筆者所專長，反之是睇恐慌指數VIX，上周低見10.3的兩年半新低。
三個月前講到世界末日一樣的候選人，正式登場股市反而放下戒心，全民睇升？情況之吊詭實在難以解釋，點都好，恒指幾經艱難方重返兩萬三點關口樓上，雞年要開個好頭，短期是宜守不宜失，10日線23,022點可視為好淡分水嶺。
John Mullen