雞年做富翁「財」子爸爸教路

傅惠賢囡囡高價收地

康宏理財營銷策略及業務拓展總監傅惠賢子女 傅靖喬（Natalie）（8歲）、傅柏喬 （Ricardo）（7歲）

一開始Ricardo擲骰，他竟然先要支付入息稅200元，未開始買地已要付錢；其後姐姐Natalie擲到深水埗區，並自信道：「我唔買呀，因為呢條街啲地好平，租金得好少。」

原來傅惠賢子女平時假日在家中亦會一家人一起玩大富翁，故兩姐弟知道玩法及每個地區大約租值，但在首兩圈仍未買到任何地皮後，爸爸傅惠賢便教子女即使是價值較低的地皮，如購入全數同色系地皮，便可得到數倍「租金」。經過爸爸的講解後，兩姐弟才願意購買不同地區的地皮。但弟弟Ricardo不幸地數次踩中姐姐Natalie的地皮。Natalie見自己的資金變多，開始向其餘小朋友提出交換或以高價購買地皮。

林偉雄囡囡成「小富婆」

晉裕環球資產管理投資研究部董事林偉雄女兒 林巧兒 （Victoria）（7歲）

Victoria為進取型投資者，每到一個地方，無論價錢如何，都毫不猶豫地立即發出一聲「買！」，隨即付款購地，而她亦開始向其他小朋友收購同色系的地皮，於是爸爸林偉雄便提議囡囡「晒冷」全副身家，買三塊地皮，各建三間屋，令到地皮的租值升逾倍；但是，Victoria媽媽反對，笑言「唔好教個女咁大使啦，要儲吓錢呀」。

最後Victoria決定為每塊地各建一間屋，把剩餘的資金留起，繼續買地收租，經過一段時間，Victoria成為「小富婆」，有錢又有地。

李偉傑囝囝豪擸貴地

大中華投資策略研究學會副會長（港股）李偉傑兒子 李浩銘（Kody）（6歲）

另一邊廂，年紀最小，只有6歲的Kody，生得「官仔骨骨」，但投資買地的速度卻相當快，幸運的他更不時擲到「孖骰」，變相有更多機會買地，Kody於短短半小時內已購入至少於6塊地皮及電燈公司，當中更率先進駐大富翁的貴價地段，並以350元購入淺水灣，雖然最後成為「小地主」的他只剩餘約60元的現金，但他手持的地皮價值肯定多於本身有的1,500元。