絲絲講場：小米神器教你點叫親戚

拜年見親戚，最難計嗰條數就係啲親戚嘅稱呼。呢個計算神器，你撳兩撳，即刻幫你「屈指一算」你阿爸個大佬個阿媽個妹點稱呼─祖姨母。

遠親一樣計得掂

不過中國語言博大精深，文化源遠流長，區區一個計算機點計得晒？遇着疏到冇影嘅親戚，小米建議大家還原基本步─「年長就叫老祖宗，同齡人就叫美女帥哥」喎。「美女帥哥」即係靚仔靚女，「老祖宗」廣東話即係……？有冇人可以教吓絲絲？

「我的弟弟的丈夫」點叫？「怎麼稱呼你決定」。「我的丈夫的丈夫」？小米話「關係有點複雜，你看着叫，不過還好他愛的不是另一個女人」。噢，睇嚟呢個計算機暫時未支援同性婚姻稱呼查詢。

余絲韻