第一城睇樓量上周急增6成

臨近春節,加上新盤搶客,主要藍籌屋苑過去一周成交依然淡靜,惟沙田第一城和將軍澳新都城則現「反高潮」,上周睇樓量上揚,其中第一城急漲逾六成。

綜合各大地產代理數據,受新盤推出影響,荃灣綠楊新邨和荔枝角美孚新邨上周睇樓量按周跌五成,港島區的鴨脷洲海怡半島和柴灣杏花邨則同挫兩成;新界的天水圍嘉湖山莊則跌一成。

天晉呎價逾萬五

不過,沙田第一城的睇樓量不跌反升,世紀21奇豐譚培坤表示,雖然一手樓盤「旺爆」,搶走二手客源,沙田第一城本月暫錄成交僅14宗,惟該盤上周睇樓量飆六成,相信是客人「睇定樓先」,農曆新年後再出擊。另外,中原柯勇表示,新都城出現同樣情況,睇樓量按周升一成。

中原伍錦基表示,將軍澳天晉1期6座高層E室,實用面積538方呎,以822萬元成交,實用呎價15,279元創同類單位歷史新高,單位五年升值近七成。

利嘉閣鄭嘉榮表示,九龍站漾日居6座中層F室,實用面積943方呎,以零議價1,650萬元成交,平均實用呎價17,497元。