絲絲講場：特朗普「登基」？策略師爆笑測市
特朗普「登基」？邊個畀佢做埋皇帝？！係花旗銀行亞太區投資策略師彭程（Ken），Ken尋日喺投資展望記者會上，將美國候任總統特朗普「上任」講咗做「登基」，唔通特朗普真係咁有皇帝Feel？
話說喺尋日記者會上，Ken大部分時間都係用英文演講，去到臨尾有傳媒希望佢用普通話回答問題，Ken係內地人，普通話當然係無難度，點知佢開口就夾着脷，話如果特朗普「登基」嘅話，環球市場會……當堂引起全場笑爆嘴。
查實特朗普言論一向非常極端，大家都擔心美國嘅民主會受威脅，唔通Ken今回係Freudian Slip，潛意識覺得特朗普霸氣到似皇帝，唔覺意講埋出口？等絲絲下次問真佢先。
余絲韻