絲絲講場：百富勤係民信「木人巷」
「紅籌之父」梁伯韜多年前曾經創立嘅唯一一間純華資投行百富勤，行內外都無人不識。民信金控（00273）主席兼行政總裁高寶明（Alex）與營運總監鄭達祖（Joel），原來亦係百富勤出身。
純華資投行難再現
Alex尋日話，百富勤喺度幾耐，佢哋就喺度幾耐，仲話嗰度好似少林寺：「以前真係瞓得好少！每日只係大約瞓4個鐘，返到公司就係咁做嘢，做到大概夜晚11點鐘，梁生（梁伯韜）就會返嚟。」佢讚梁係好老闆，「依家佢都仲有出嚟請我哋食飯！」
絲絲聽Joel講，長和（00001）大班葉德銓都係由百富勤過檔長和。Joel仲話：「（當年）百富勤係唯一一間大型純華資投行，可以賺外國人嘅錢，東南亞、英、美都有，依家香港投行就多數只係賺亞洲錢。依家咩都講全球化，好難會再有百富勤呢啲純華資投行出現喇，好可惜」。
余絲韻