絲絲講場：盧楚仁教唱外匯 獲Like爆
唔少香港人都會安排自己囝囝囡囡出去外國留學，要兌換外幣，但原來睇準市嚟兌換，可以變相賺成40萬蚊港紙！
呢位外匯達人就係天王國際金融行政總裁盧楚仁（Jasper）！佢前兩年送咗囡囡去英國（嚟緊囡囡仲會去埋美國讀書）。外匯專家Jasper都唔怕同絲絲講，自己睇外幣走勢好準，由於熟悉種種外幣，好多人都請教佢。
阻太太唱鎊變相賺40萬
佢話，早排好彩阻得住太太唔好起勢咁唱英鎊，就係Jasper金精火眼睇實之下，變相賺咗成40萬！就係咁，佢仲變埋囡囡同學仔一班家長嘅外幣專家添。
唔止家長，連Jasper啲同事每逢出外旅行之前，都一定會圍住佢氹氹轉，問佢幾時係唱Yen、唱鎊好。佢仲笑話，平時都唔覺得自己原來咁受歡迎添。
余絲韻