外匯衍品增長35%
其實今年人民幣仆直令到個人同企業都買少咗好多投資產品，所以銀行頭三季手續費收入跌成14%，前線班客戶經理（RM）嗌到牙痛咁聲，不過俗稱「炒房」嘅財資部，就不知幾咁Enjoy個市大上大落，可以大炒特炒！所以頭三季外匯及衍生工具業務收入按年大升35.7%，推動成個零售銀行業稅前盈利保持4.5%增長。
內地人走資嚟香港買投資產品都對銀行業有幫助嘅，香港銀行見內地經濟回穩，「放水」亦都鬆番啲，整體放畀內地相關貸款，第三季末係3.44萬億元，即係佔香港銀行總資產15.6%，單計第三季就放多咗1,090億元。唔知跟住又會點呢？
余絲韻