港股又重新進入陰乾模式，這種走勢最磨滅鬥志。
沒有最平，只有更平，好怕手痕貪平一路慢慢接，不經不覺就坐咗一大堆，然後日日跌少少，不經不覺就跌咗好多。所以一定要有警覺性，對於一般投資者而言，最好每日都對手上組合的整體浮動盈虧有個概念，才不會墮入買得太多輸得太多的慢性陷阱。
暫時還在忍手，明知自己耐性有限，無謂買貨回來斬。在這段期間，不妨鎖定一個股票範圍，準備稍後入市之用。
當然近期弱勢是有理由，包括人民幣持續向下及中美關係緊張，不過年關在即成交淡靜，承接力減弱，是會令到小量沽盤已經可以令價格跌很多，即是容易跌過龍的超賣現象。
超賣之後依然有機會再超賣，去年十二月一樣是陰乾，結果今年一月就來一個解脫式大跌市，但至少可以肯定，踏進一月大家都會比較積極，容易出入，低成交折讓理應消失。
今年年初A股推出熔斷機制太過震撼，大大打擊士氣，才令市場超級恐慌，照計市場現今趨向成熟，太差機會不算太高。既然一月升跌機會五五波，股票超賣，提供空間去博，應該值得出手。
自己會等到下星期才行動，即是過完美國期指期權結算，屆時市場將會更加靜，希望有更低水位。
現時不心急，是不想星期五被美國超高槓桿末日期權扭曲大市，寧願miss底位，也不想明知故犯地輸。
豐盛金融資產管理董事 黃國英（作者為註冊持牌人士）