有樣嘢香港經紀輸畀內地行家！
話說聖誕節快到，有證券行舉行慈善籌款，向啲經紀、營業代表咁「揼心口」籌款，今年仲係第一次向內地經紀打主意。估唔到內地經紀籌到嘅善款金額竟然多過本港經紀十倍！香港經紀平均佣金收入遠超內地經紀，但就唔夠內地行家疏爽！
有證券行負責人同絲絲講，每逢年尾佢哋都會係搞吓慈善籌款，幫吓啲有需要的人，今年已係第三年搞，但向內地經紀「打劫」係第一次，估唔到內地行家比香港嘅豪咁多。
佢哋仲話，香港經紀雖然成日話佣金得嗰幾滴，又畀銀行搶生意，但每個月平均佣金收入始終都超過內地經紀，一個月平均都有逾萬元收入，好景時賺幾十萬元亦唔出奇。
計絲絲話，唔想輸畀內地行家，睇嚟香港經紀要喺善款上爭氣先得；不過都可以話論孤寒，香港經紀贏咗嘅！
余絲韻