在「三桶油」勁升支持下，昨日大市早段一度突破兩萬三關口，可惜日線圖逼近保力加通道頂23,044點，現貨升勢無以為繼，午後最低落到22,837點，收市升88點報22,878點。
昨日個市早段仲似模似樣，十一點已經見到，仲係擺脫唔到近期拉牛上樹的慣性，對於有好倉在手的筆者，較失望是期指破位，早段升穿周一的22,978點，去到23,018點經已行人止步，動力不足，好友大戶進攻意志不足。
筆者早兩日小試牛刀，在22,800點開好倉話明睇兩日，唔對路會趁周一深港通開車前平倉，本周日意大利憲法公投，市場已之視為英國脫歐及美國大選後第三隻黑天鵝，衡量回報與風險後，亦無謂攞間廠去博粒糖，今日個市行又好、唔行又好，都係無謂磨爛蓆。
John Mullen