絲絲講場：港交所請MT 講明GPA要3.5
早前講過金管局請MT（見習經理），經驗不拘，未計花紅都月薪約4萬元，被認為「堅‧筍工」。嗱絲絲又有好介紹，今次到港交所（00388）請MT！
睇咗入職要求先！凡明年畢業生或畢咗業但唔超過兩年工作經驗、喺本地或海外知名大學取得學士或以上學位、預期會喺英國攞到至少Second B（二級乙等榮譽學位），或喺香港或美國取得GPA（成績平均績點）3.5分，就有資格報名。
睇番之前完成到呢個MT Programme嘅，全部係劍橋、牛津、英國倫敦大學經濟及政治學院、港大咁，睇嚟想做港交所MT唔簡單。培訓為期28個月，可以到四至五個部門實習，如上市科、市場發展等。今日（30日）就截止報名。
余絲韻