出生排第幾，注定你點使錢！美國財務治療研究組織期刊《Journal of Financial Therapy》研究報告話，就算同一個阿爸阿媽生、同一家庭成長，但家中老大、排中間、與老孻嘅理財態度唔同。
•特點：排最大得盡父母關注，亦受盡父母所加諸嘅責任與期望，所以較成熟有自信，凡事穩打穩紮，但略嫌保守。佢哋做事有條理，準時找數，好少使大咗。
•缺點：慣咗咩都攬上身，乜都想齊全，過於完美主義，結果Set埋啲不切實際目標。
•點解救：理財要分長、短期目標，List出嚟，跟足List每月一步步做。
•特點：排中間較少受父母注意，令佢哋更有彈性更開放，係天生Problem Solver同協調者。佢哋天生愛儲蓄，調查顯示有65%人習慣每月儲蓄。
•缺點：萬大事以和為貴，結果易心軟妥協；着緊攞人Like，借錢畀人永無托手踭。於是Fing晒啲錢去人度，做咗水魚都唔知。
•點解救：有人搵你幫，要先諗清楚，學識Say No。
•特點：排最細家庭責任有排都未輪到佢，又最得爸媽阿哥家姐寵愛，佢哋通常會較外向，又Charming又玩得，Party無佢唔得。
•缺點：由於被縱慣，使錢最無譜，只會睇眼前，冇咩長遠目標。
•點解救？改變自己，設定行動，每日跟進。等碌爆卡甚至搞到破產就太遲。
•調查話，喺理財方面，「獨生子女」同「排最大」嘅其實差唔多。
余絲韻