絲絲講場：一樽辣醬撐起貴州經濟
一樽辣椒醬改變一個省嘅命運？無錯，絲絲講緊嘅係舊時出名貧困嘅貴州省。以往連貴州人都自嘲「天無三日晴，地無三里平，人無三兩銀」，但呢幾年全靠街知巷聞嘅辣醬品牌「老乾媽」撐起！
GDP增10.5% 全國第二
當地今年頭三季GDP（本地生產總值）增長高達10.5%，成全國第二，跑贏埋全國整體嘅6.7%增速！
「老乾媽」創辦人陶華碧本身係貴州偏遠山村農婦，佢原本喺街賣涼粉與冷麵，啲自製辣醬原本用來拌涼粉，點知辣醬仲受歡迎，九六年佢索性搞廠專生產辣醬，依家年銷售額有成幾十億人仔。但公道啲，撐起貴州經濟嘅，除咗辣醬外，其實茅台酒都有啲份，今次畀辣醬搶晒鏡，茅台唔好嬲。
余絲韻