倫敦上班族點睇脫歐？

利好貿易

從事保險業的Martin稱：「雖然英鎊跌，我去旅行會貴啲，但我100%支持英國脫歐，脫歐之後，英國喺國際貿易上會有更大自由度，制訂政策同法規時亦只需要考慮自身利益，唔使理歐盟國。相信脫歐後倫敦可以保住全球領先國際金融中心嘅地位，我亦無聽聞有金融機構打算遷出倫敦。」

憂慮通脹

在英國特許保險學會當編輯的Matthew反對英國脫歐，並指：「政府都未準備好脫歐之後嘅部署，而廢棄同歐盟嘅經濟聯繫係好危險！雖然依家未感受到脫歐嘅負面影響，但呢啲係遲早嘅事，消費品價格會上漲，去內陸或者其他歐洲國家旅行亦都會貴啲！」

保障減少

見習律師Guido Cenciotti強烈反對英國脫歐，他說，「第二次世界大戰後，歐盟成立，而見歐盟成員國由原本互相殘殺到最後做咗朋友，個個都得益，就知英國留番喺歐盟好啲！」

Guido原是意大利人，23年前搬到倫敦，在倫敦落地生根組織家庭，可惜尚未成為英國公民。「英國脫歐公投後，我喺意大利嘅屋企人叫我返去，而我都覺得英國脫歐對我呢啲身份嘅人少咗保障。我好唔開心！但家人喺度，所以唔會主動走，除非畀人逼走。」