我要做財演：進修技術分析 縱橫股金

1）黃金比率：預測升市調整幅度

「黃金比率係用嚟預測升市中嘅調整幅度，同跌市中嘅反彈幅度。我哋最常用0.382倍、0.5倍及0.618倍比率。」

用公式計算支持位

他說，若股價喺高位回吐，0.382倍水平應有初步支持；若失手，應進一步下試0.5倍水平；再失，就到0.618倍先有支持。

若恒指由18,000點上升3,000點，至21,000點，其後調整回落，首個支持位會是19,854點 （公式：21,000-3,000x0.382）。第二個支持位是19,500點（公式：21,000-3,000x0.5），餘此類推。

在兩個支持位，投資者可考慮入市博反彈，並定止蝕位。至於反彈市，黃金比率就會成為三級阻力。

2）三角形形態：觸點反映好淡角力

三角形形態是把股價之短期高點及低點，分別以直線連起而形成一個三角形。他說，「最緊要數接觸點！接觸點愈多就愈準！」此形態反映好淡角力，且力度遞減。要等股價跳出三角形時，成交便會增大。

見雛形可跟炒上落

他續說，「當發現三角形態的雛形，或可跟炒上落波幅，但一旦佢行到個三角形尖端剩番三分一，就要收手等佢突破先算，無謂搏！」

三角形形態分三種，對稱、上升及下降。以上升三角形為例，當它向上突破，穿上升三角形，再配合激增成交，可能是短期的買入信號。

上升三角形由高點連成的趨近水平線，以及低點連成的往上傾斜線組成。在其形成階段，會見市場有強大沽壓，股價每次回升到某水平便回落，但市場購買力強，隨時有向上突破。

3）頭肩頂形態：突破頸線意味大跌

「頭肩頂，形狀好似個人」，許俊東說。頭肩頂行情是升後下跌，再升再跌，第三次回升再無法升抵上次高點時，成交持續跌，且突破頸線，就意味可能有大跌浪。

「圓底，好似個碗」，他繼續說。圓底較常在長期跌市後出現，由下降、最低及上升三部分組成。圓底成形後，便會向上穿破阻力線，「通常個碗有幾深，之後嘅突破就有幾高。」

買方向無得話唔抵

雙頂呈M型走勢，「第二次回落通常會直衝向下，所以投資者可以睇準佢一串破頸線就買沽！」他另提醒，「見到雙頂先沽，有人會覺得唔抵，但記住睇圖表係買方向，無得話抵唔抵。」

掌握技術指標捉思路

「點解要學技術分析？」許俊東問。學生John爽快回答：「找獲利機會！」許俊東點頭，但補充，最緊要係掌握其他人點睇後市！因為唔少投資者都會用相同嘅技術指標睇圖，所以睇圖會捉到大多數人嘅思路。

先尋大方向 再搵入市價

許俊東準備了詳盡的資料教同學分析圖表。他手執長間尺說，「畫圖多數係用手畫，靠經驗買賣。靠程式，好易入錯市，風險大。」他說，「睇圖表先搵大方向，升定跌，再用技術指標搵入市價、目標價、止蝕及平倉位等。賺100%都好，都要搵位平倉！」

他逐一介紹常用技術指標，並指這些方法可應用於分析其他資產。做外匯、期貨、金銀等槓桿產品的即日鮮，就會睇即日圖，甚至一或四小時圖。

然後，他沿着股價移動的方向，在圖上畫上趨勢線，「當股價未跌破上升趨勢線，呢條線就係支持位，因為升緊嘅時候，多數人係追入或者等回調再買；相反，當股價未升穿下降趨勢線，嗰條線就係阻力位，咁我建議貼近阻力位沽貨。」以下是一些重要的技術分析指標。