Trivago何止有得Book，仲有得炒。事關網上旅遊預訂網站Trivago於十一月尾前會喺紐約上市，到時「旅行神」除咗可以Book酒店，仲可以炒！而美國旅客短租服務網站Airbnb似乎都嚟緊。
Trivago母公司Expedia喺七月已經話要同佢搞上市，依家搵咗大摩、JP摩根同高盛幫手搞，話今年第二季有2億美元收入。Trivago現時估值50億美元（約390億港元），打算集資10億美元（約78億港元），將會係今年美國科網股最大嘅IPO（初次招股上市）。
至於Airbnb，有分析指新一輪融資後估值達300億美元（約2,340億港元），雖然佢哋管理層一四年講過話唔急上市，但市場估亦不遠矣。
余絲韻