「科網等新興產業，高風險，高預期收益。萬一捉唔到個潮流，就會身陷險境。好似思捷環球（00330），金融海嘯前都係股王，之後因行業模式轉咗，分銷生意大跌，風光不再。」趙晞文坦言，全球十大手機出貨量排名不時都會大執位。
他談到科技硬件公司，例如聯想集團（00992）及瑞聲科技（02018）等的業務前景，並以生產手機及手機零部件來細分硬件業務。他料，未來數年手機零部件生產商業績會較手機公司好。
他預計未來幾年全球手機市場的出貨量只會有5至10%增長，但市場對升級零部件需求仍存在，如防水物料、Action鏡頭等，「出新機同升級零件都係必須，只要手機零部件做好產業鏈升級，就可贏同行，賺多啲訂單。」
零部件生產商的股價近期跑贏手機生產商，盈利增長有望攀升至20%以上，「若搵到知名度高嘅客，例如三星、蘋果公司及華為等，銷量當然更有保證，股價或可進一步上揚。」另外，若它們成功爭取到供應更高端產品，那代表質素提升，投資者會刮目相看！