絲絲講場：A.I.特工明年打大鱷

軟件擬售予銀行基金

你部iPhone上嘅Siri只係人工智能嘅一種。美國金融業監管局（FINRA）打算明年測試內部開發用嚟監察市場嘅人工智能軟件。FINRA未有人工智能幫已經忙爆，每日要監控500億項市場事件，包括掛買賣盤、修改、取消、交易等，Check住有冇大概270組疑似違規行為。嚟緊幫FINRA手嘅人工智能曉自我學習，會突破前面講嘅預設模式限制，即是識捉更多真正大鱷。

另外，納斯達克交易所與倫敦證券交易所（LSE）亦一樣搞緊用人工智能軟件監察市場，不但預計明年年底前用得，仲計劃將款軟件賣畀銀行同基金經理，等佢哋都可以時行樂（目及）實自己啲交易員有冇蠱惑。

點Check法？啲人工智能軟件會睇實啲大手交易前後，聊天室有冇啲唔尋常嘅對話訊息；又或者有冇啲好頻密落盤後又取消番，人工推高股價情況。仲有睇吓交易模式有幾似監管機構認為可疑嗰啲，計出個交易員嘅「誠信分數」。

咁落去，睇戲睇完「竊聽」後，跟住會否係《A.I.風雲》呢可？

余絲韻