負債超標唔係好事，但人總係唔願面對現實，就會搵藉口來遮掩。有10句說話，如果經常掛口邊，即係好易孭債超標，快檢查自己有沒有這些「口頭禪」，有就即戒。
1.【要有負債，先可以顯示我信貸紀錄良好！】有人以為冇負債，就冇信貸紀錄，就好難申請按揭及貸款。其實零負債先係最好嘅信貸紀錄！
2.【人人都總會有啲債在身！】唔係人人都有負債的，有啲人連按揭貸款都沒有。唔好將負債合理化。
3.【錢嘅嘢，我唔識！】網上大把教人理財資源，例如「東網Money 18」，睇你肯不肯學。
4.【我使自己錢，有咩唔啱？】對，但一定要係自己錢，而唔係碌信用卡入面未屬於你嘅錢。
5.【係意外搞到我周身債！】準備不周，別找藉口！要未雨綢繆！
6.【咁抵，唔買對唔住自己！】停一停、諗一諗，先分清楚「想要」和「需要」。
7.【其實我負債唔多！】冇聽過「積少成多」咩？
8.【我搵多啲錢咪得囉！】問題在於「入不敷支」，若不懂量入為出，賺多多亦無用。
9.【無債一身輕？根本冇可能！】只要你有恒心，就可以還清債務。
10.【我由下個月開始會搞番好條數！】愈遲開始便愈浪費時間，就今天開始吧。
余絲韻