每次按下買賣按鈕前，你有沒有預期這次交易一定必賺？這問題相信大部分人的答案都是否定的，怎麼可能每一次都睇中？可是當你知道這次買賣不是穩賺不蝕時，你又有沒有為自己萬一睇錯時做好準備？
做投資最忌盲目睇好或睇淡，恍似一落注便一定會贏，從來沒留後着，萬一輸一鋪大的，很久也翻不到身，這正正是不少散戶常見的通病。
要在股市做大贏家，不是要每次都睇中，而是要懂得怎樣令自己睇中時大賺，將利潤放大，而在睇錯時盡快止蝕，這樣贏時贏多多，輸時輸少少，長遠計戶口一定不斷增長。所以我一向都說「睇法不重要，做法才是最重要」，我不會預期我每次都會睇中，而是重視全盤策略，如果睇中怎樣做，睇錯又要怎樣走，萬一形勢逆轉，以確保不會犯下大錯。
上周當指數重上23,800點時，以為向上突破而補回注碼，事後看回，很明顯是看錯了。不過，幸好亦已早定止蝕位，如果失守位於23,500點的好淡分界線都要縮，所以睇錯還睇錯，損失都只是數百點而已。
昨日期指連23,140點也跌穿，形勢並不樂觀，現階段不要胡亂估底或搏反彈。個股我會以其九月尾的低位作為分水嶺，跌穿了便減磅。
元大證券（香港）經紀業務部營業總監 潘家榮（作者為註冊持牌人士）