絲絲講場：凶圖乍現 醒你７大水泡

回顧八七年十月十九日，美國道指創下史上最癲跌幅，一日狂瀉22.6%，標指齊冧！Fitzpatrick係花旗嘅「圖表派」專家，專門以史為鑑，預測股市未來動向。佢仲數咗可能引爆今次股災嘅4樣嘢：

1.歐洲銀行業陷入困境，德意志銀行嘅140億美元罰單未解決；英國明年3月底前提出「脫歐」；

2.今次係最兩極嘅美國總統大選；

3.歐、日央行或縮減買債；

4.市場近期不斷出現詭異走勢，如油價一周內急升16%、美國10年期債息5日內波動20點子、金價9日內大幅波動90美元、人仔同英鎊「閃跌」。夠詭異未？

佢話現時標指關鍵支持位係2,119點，一旦失守，就……

勁跌市時堅守原則

就咁嘅，雖則股海兇險，但有危即是有機。

今次就公開絲絲貼枱頭「供奉」嘅私人珍藏《跌市求生7招》，教大家打逆境波，絕境求生甚至大翻身。呢7招，值得剪存。

1.【投資注碼減50%】：若一單接一單蝕，就要立即將注碼減半，直到手風順番。若一直冇好轉，就要離場。

2.【緊記1%止蝕】：保住彈藥。

3.【落盤要決斷】：愈係跌市，落盤愈要快、狠、準，忌思前想後拖泥帶水。

4.【忌放棄原先投資策略】：個市轉勢，就係你大翻身收穫之時。

5.【唔好自責】：問題出在市況不就，錯不在自己。

6.【嚴守止蝕位】：唔使多講。

7.【　實轉勢入市時機】：跌市冇心機，索性唔望個市，通常咁就錯失轉勢嘅入市良機。點都好，要(目及)實同吼啱時機入市掃貨。

余絲韻