若今日獲利回吐壓力唔大，對於想入市開倉過周末的期指客，問題來了。下周A股復市，北面基金經理們究竟會爭先恐後追勢衝浪？抑或一個唔該高位掟貨食胡？
日線圖上，其實恒指在周三已突破高位三角錐形整固浪，昨日也是六月英國脫歐後收市的第二高位，僅低於九月九日的24,099點。走勢上快將去到決勝時刻，時間上又面對A股重開，北水重來，使得下周初好倉客處於要追但卻同時要保持異常高的警惕狀態。
過去幾日好友大戶積極營造破頂氣氛，最終是否能取信於內地炒家及本地的跟風客，無疑今日大市點都要收得好好睇睇。昨趁期指臨收市先補回三分一注好倉，成本23,940點，暫以昨開市價23,839點為止蝕。
John Mullen