上半年中小型經紀行來自證券交易淨佣金收入，較去年下半年顯著減少逾兩成五，儘管有資深券商看好下半年港股表現會優於上半年，特別是深港通開通後，或有利中小型券商搵生意，然而散戶態度依然審慎，部分更伺機沽貨鎖定利潤。
陳先生：「今年投資嘅本金比舊年多咗一倍，主要是買滙豐控股（00005）同內銀股溝吓貨，但呢兩日我都開始沽番啲出去，一嚟驚美國總統大選，二嚟依家港股成交量又唔高，市場資金咁少，梗係拎番啲錢走啦。」
梁先生：「始終驚外圍經濟，所以今年投資比較保守，預期投資額會少一半，睇吓美國大選囉，完咗嘅話再投資會好少少，暫時都係睇一帶一路概念股。」
禤先生：「年年投資金額都係咁上下，無乜特別。我係長線投資，多數買大藍籌，好似香港交易所（00388）。個市係曾經升穿過24,000點，即係會有人買多啲，但都要睇番個人取向。」
