第一信用財務（08215）兼國藝娛樂（08228）主席冼國林出錢又出力幫手搞詠春大賽，但佢唔睇好香港參賽者？！
第四屆世界詠春大賽嚟緊周日首次喺香港舉行，吸引全球逾三百位高手，尼泊爾、印度、俄羅斯都有派人，但冼國林睇好俄羅斯拎最多金牌！乜詠春唔係源自佛山、喺香港發揚光大嘅咩？
冼師傅話香港之前係有拎過牌，但港人始終身嬌肉貴、唔夠刻苦耐勞，點夠啲戰鬥民族嚟咁話喎。喂，周日大家爭氣啲！
余絲韻