搵工面試當然是加入金融界的首關！專業三語司儀及演講教練黃銓玉（Yuki）說，「面試同見暗戀對象好似，最緊要有三個心：信心、細心同真心！」

她解釋，「信心好緊要！所以去見佢嗰日一定要好好打扮喇，兼要準時到，將自己最好一面呈現畀人哋睇。」

「細心，當你暗戀一個人，當然要先睇吓佢facebook，嘗試了解佢多啲，佢究竟鍾意啲咩呢？佢呢排同咩人交往緊呢？知道呢排間公司發生過咩事、公司文化、歷史同背景等。」

「真心，如果你本身鍾意一個陽光嘅男仔，咁你嘅暗戀對象唔會係斯文男士。所以要知道自己最需要係乜嘢。同入一間公司一樣，唔單止我哋學習緊，公司都會因此而有附加價值。」

說話時可能因過分緊張導致詞不達意，她建議兩個放鬆心情的方法，「演講前，要準備好心情。可試用視像法，想像台下觀眾為你而拍掌，好支持你。又或者同自己講，要把興奮嘅能量帶畀人。」

萬一在演講時，腦海一片空白，黃銓玉稱，「保持冷靜、微笑，利用Time Buying Techniques畀自己思考，好似歌手都會話：台下觀眾，不如我哋一齊唱喇！」

黃銓玉提醒，同學在面試時應該留意個人形象（Appearance）、時、地、人（Background）、內容（Content）及表達技巧（Delivery）。

Yuki總括，三小時的演講只需八分鐘的準備，而八分鐘的演講需三個月的準備，演詞愈精簡，愈需要練習。