絲絲講場：想辭職做老闆？5樣嘢要諗清楚

1、確定條橋堅行得通

你諗到嘅，人哋都可能諗到。所以要做足功課，睇睇有咩對手，同你打算搞嘅有咩分別？之前有冇人失敗過？衰喺邊？

2、認清現實

好多雄心壯志創業嘅，結果做番打工仔。你要有心理準備。

3、計清有幾多彈藥

一開波就想賺？別太天真！創業前計清自己現有彈藥可以捱幾耐，仲要諗定Plan B。

4、搵人傾

同另一半、家人、朋友、前輩傾傾，集思廣益包冇錯。

5、留後路

與舊老細、同事保持良好關係及聯絡，萬一到時想打番工都有後路，又或者生意搞大咗要搵人合作，可以搵番佢哋！

余絲韻