專家散戶個個嗌贏錢

騰訊港交所帶挈

AMTD股票經紀業務部董事連敬涵：「第三季大市氣氛唔錯，受騰訊控股（00700）、香港交易所（00388）等藍籌股帶動，個人投資組合有約兩至三成增長，小型股亦有唔錯升幅。我預期第四季恒指有機會上試25,000點，較看好科技股、金融股。」

末季受惠深港通

獨立股評人吳家順：「第三季個人投資成績都幾好，特別是八月和九月成功捕捉了一些股份和外匯市場升浪。嚟緊第四季焦點當然是美國總統大選，但就算特朗普當選，大市震盪過後仍是會升，所以呢季應該等機會入貨，特別是受惠深港通的股份等。」

獨立股評人吳家順	散戶蔡先生	散戶馬小姐

炒即日鮮賺三成

散戶蔡先生：「第三季我都係炒即日鮮為主，如汽車股、瑞聲科技（02018）、舜宇光學科技（02382）等，累賺約三成。嚟緊第四季有深港通、美國總統大選等，我估個市中性偏好，諗住繼續短炒強勢板塊，如科網股同香港交易所（00388）會留意多啲。」

集中玩期權致勝

散戶馬小姐：「第三季我主要沽出認沽期權賺期權金，夾夾埋埋都有三、四成錢賺，個人較多玩安碩A50中國（02823）、中國銀行（03988）、中國移動（00941）相關期權。不過，十月係傳統股災月，都驚個市好波動，依排部署期權審慎咗啲。」