絲絲講場：騰訊總部火燒旺地
有冇咁邪？絲絲上周六先講話騰訊（00700）出年啟用嘅全球總部「深圳騰訊濱海大廈」點反潮流，話口未完，呢幢雙塔大樓嗰晚就火燭。
不過好彩係一場小火。騰訊話場火係頂樓防水瀝青鋪設工程引發，只係十分鐘就撲熄，冇人受傷、冇咩損失。
曾創216.8元歷史新高
話時話，場火燒完，騰訊股價呢兩日就係咁升，已經累升咗6%，盤中價仲去過216.8元歷史新高，唔通真係火燒旺地！
余絲韻
有冇咁邪？絲絲上周六先講話騰訊（00700）出年啟用嘅全球總部「深圳騰訊濱海大廈」點反潮流，話口未完，呢幢雙塔大樓嗰晚就火燭。
不過好彩係一場小火。騰訊話場火係頂樓防水瀝青鋪設工程引發，只係十分鐘就撲熄，冇人受傷、冇咩損失。
話時話，場火燒完，騰訊股價呢兩日就係咁升，已經累升咗6%，盤中價仲去過216.8元歷史新高，唔通真係火燒旺地！
余絲韻