香港金融科技發展落後，原來關「未來外母」事？話說香港大學客席副教授Henri Arslanian尋日出席論壇，講到香港嘅大學好少FinTech相關科目，而且家長對FinTech的接受程度都唔算高。
Professor Arslanian話，一年前佢有個學生問就業意見，學生手上有兩個Offer：一個係去深圳嘅FinTech初創公司度做，另一個就喺香港某大外資銀行做後勤。阿Professor問番個學生自己點睇，學生話自己想去深圳做FinTech，但女朋友阿媽就想佢做銀行工！！！
結果係點？估到啦！Professor總結話，香港要推動FinTech，連啲阿媽都要轉變思維，了解吓未來FinTech發展。
余絲韻