絲絲講場：翠如BB股閃耀「明星板塊」

翠如爸帳面身家84億

依家聯旺市值去到224億元，市盈率二千幾倍，可能係估值最貴嘅上市公司。以黃翠如阿爸黃永華持4.68億股（持股比例37.5%）計，帳面身家達84.24億元，令人葡萄。「翠如BB股」升得咁勁，仲帶挈埋「明星板塊」，尋日贏晒其他板塊，升逾2%，仲大幅跑贏恒指表現。

絲絲點知？睇「東網Money18」囉。「東網Money18」早排推出「板塊追蹤」，時刻計住不同概念板塊走勢，尋日明星概念板塊就係得「翠如BB股」帶挈，升至榜首。

特色板塊捕捉先機

咁樣Check住計住數睇「明星概念」股，「東網Money18」係全港獨有。除咗「明星概念」外，仲有另外兩個特色板塊「一帶一路」及「AI/VR概念」，一樣包你喺香港其他財經網站搵唔到。呢三大特色板塊，都係「當炒」板塊，只要每日留意板塊變動，捕捉入市信號話都無咁易。快啲去睇吓學吓嘢，咪話絲絲開學日唔醒你。

余絲韻