iPhone嘅Emoji（表情符號）家庭又即將增加幾個成員，今次仲主要係專業人士添！
有消息話，Apple Inc.個幾星期前提交咗一份新申請，新增嘅Emoji將會有藝術家、消防員、飛機師、太空人同埋法官等等5個行業，有男有女，個Family真係愈來愈多人。
仲有呀，今次Apple仲申請埋ZWJ（無縫連接）序列組合，即係一個Emoji表情入面包括咗兩個編碼咁，簡化Emoji介面。其實較早前，Apple已經申請咗其他工種嘅Emoji，包括有清潔工、農民、老師，甚至OL都有……咦！數來數去都唔見有「記者」同「編輯」嘅？
余絲韻
