返新公司見新客？迎新營旺季識Friend？絲絲醒你9式無敵招，令新相識對自己留下好印象。
1. 身體語言夠自信：企要直、握手要實淨、傾偈時同人保持眼神接觸，仲要Keep到個自己周圍嘅空間，即是唔好被人逼到坐長櫈邊，碰到人家手臂亦咪尷尬即縮！
2. 不妨有少少出位：切記出位要夠正面！啱啱識人，不妨諗定搞笑吓，等人記得你。
3. 要主動帶起話題：唔好有Dead Air。
4. 多啲提對方個名：專家話，講嘢時多啲提人哋個名，有印象分加。
5. 用笑容感染他人：除咗令人覺得你好享受同佢哋相處之外，仲會令人產生「Mirror Neurons」，即係對方會反射番你嘅動作同感覺，即是佢都好Enjoy。
6. 唔怕直率講意見：專家話極端啲先會令人印象深刻，所以不妨直率講自己睇法，但激唔代表浮誇，態度要誠懇，唔好得罪人。
7. 問問題了解大家：代表你想加深了解對方。
8. 帶起情緒印象深：要令人「有Feel」，自嘲或搞笑又得，嚇吓人又得，總之要觸動他人嘅情緒。
9. 投入聆聽顯重視：多數人掛住搵位攝搭嘴。所以，如果你認真聽人講嘢，對方會覺得受重視。
余絲韻