Market Insight：炒券商股要識落車

在推出時間上，聽聞官方顧慮頗多，其中一個乃美股在總統大選前不斷創新高，只怕十一月大選完結，市場趁好消息出貨。然則，若揀十一月前後開通，深港通可能遇上環球大跌市，一來不明朗因素多，二來開初表現若差強人意，唔多唔少會打擊投資者對兩地金融互聯互通新安排的信心。到底官方如何拿捏最佳推出時間，不妨拭目以待！

資金回流新興市場

其實，除了股票現貨成交有所增加之外，大摩發表的資金流報告亦顯示，過去一周新興市場股票基金錄得16.4億美元資金流入，是連續第六周錄得資金流入主要流入ETF基金。之不過，到底係咪喺美國大選前，資金開始部署趁高沽出美股鎖定利潤，並重新回流新興市場，目前言之尚早。

被剔出恒指成分股的康師傅（00322），昨日跌3.1%，相反，成功染藍的瑞聲科技（02018）股價向好，升3.7%收報78.85元，又再創新高。集團業務表現唔錯，首季收入按年增加一成，純利增長2.1%，而新iPhone預計下個月推出，蘋果概念股或再成焦點，短期仍有機會升多浸。

不過，由於瑞聲股價今年已累升逾五成，依家高追風險唔輕，若然要炒，千祈唔好太貪心諗住賺到盡，始終長遠可支持股價的仍然係基本因素，業績行先。

市場對深港通的憧憬再次升溫，AH差價股同券商股立即炒起。昨日有傳深港通國務院批核文件同發布公告已經最後定稿，估計今個月內會正式公布詳情，然後籌備大約四個月，喺十二月開通。

近排其實冇咩炒作主題，來來去去都係各大央行放水，深港通進入最後階段，市場當然乘機炒一轉。券商股昨日跑贏大市，而本地券商的升勢相當凌厲，耀才證券（01428）升超過一成，第一上海（00227）及英皇證券（00717）分別升近8%及6.3%。中資券商股方面，申萬宏源（00218）表現最好，升7.1%。

要提防好消息出貨

八月剩番兩個禮拜，而恒指由七月低位20,304點計，至今累升近13%，升到23,000點水平，阻力同回吐壓力有所增加，加上市場缺乏其他利好消息，一旦公布深港通，券商股隨時「見光死」。滬港通經驗告知資金流入港股有限，冇實質支持，股價難再上，要睇位落車。

古勝