絲絲講場：全球最大面額「發鈔行」曝光

依家一張冥鈔（即係陰司紙）面值幾多？睇邊間發鈔行啦，「冥通銀行」就5億萬圓，「冥都銀行」就5千萬圓。怕且地下通脹都好勁吓，啲冥銀同全球啲央行比，唔知邊個印銀紙勁啲呢可？

絲絲Check過冥幣匯率，今年冇乜點升，都係Keep住每一港元兌500萬冥圓左右。

跟住我哋睇吓傳統金銀衣紙印刷現場。	工廠姐姐忙於點鈔。	師傅製作溪錢時手腳並用，夠晒誇。

話時話，生產呢啲冥鈔嘅絕對唔係山寨廠，呢間廣東翊翔民俗文化股份舊年年底話申請內地新三板掛牌！結果？絲絲尋日搵勻新三板，都搵唔到隻股，唔知係鬼揞眼定咩呢？Oops！（中譯：啋！）百無禁忌！

余絲韻