對沖國度：投資為求財不是求認同

做基金經理其實並不適宜接受太多訪問，因為真的很容易隨波逐流。這兩日大市下跌，透過電話也可感受到採訪者的七情上面，左一句驚唔驚，右一句擔唔擔心，好似要立即撤退才是正道。其實自己也不是大力睇好，只不過選擇性死守，感覺上已被人公審有罪，只差未判刑而已。

能夠兼顧股評人及基金經理兩個身份而未輸死，絕對是一個奇迹，要多得以前賭波賭馬的經驗。接受訪問有一個潛在風險，就是逼自己做聽眾，聽自己重申睇法，愈聽就愈容易執着沉迷，而且好像也要有義務堅持睇法，即使出現不利轉變，就可能有意無意地會錯過。

投資理應是個孤獨的過程，尋求贏錢，而不是尋求認同。當然自己有章法，但一樣有很多看似不合常規的瘋狂想法。近幾年學精了，多了模棱兩可的敷衍，一方面不想解釋太多，不斷被人質疑或過分關心，另一方面，大市長期低成交走勢飄忽，講得太死亦不合適，所以會盡量減少接受訪問。