絲絲講場：精靈入侵交易大堂搞冧市？

之但係，雖然蝙蝠畀人一種又黑又醜嘅感覺，但原來按中國傳統說法，蝙蝠係一種吉祥尊貴嘅動物，飛入嚟更代表幸福、財運大開。入咗交易大堂港股都照跌如儀，唔通呢一隻大嘴蝠唔同一般蝙蝠嘅？

大中華投資策略研究學會副會長（港股）李偉傑就相信，噚日跌市應該同交易大堂被精靈入侵冇關：「雖然玩《Pokémon GO》可能會影響大家對其他事情嘅集中度，但相信近排港股成交同埋升跌都同隻遊戲關係不大，自己近期亦因專心工作而少玩咗。」

CP值低證明專心工作

咁又係，交易大堂嗰幾隻精靈嘅CP值低到得廿幾，證明影相嗰個好可能係遊戲新手，一定好專心工作喇！

余絲韻