絲絲講場：呢16個行業最易發達！
適逢暑假，又係畢業生搵工嘅大日子，隨着科技日新月異，很多工種未來隨時會被機械人取代，究竟邊行最好撈？尤其好撈到發達嘅行業又是邊啲？
金融服務業居榜首
全球資訊公司Capgemini最近公布咗一年一度全球財富報告，指出有些行業創造特別多百萬富翁！
報告並預測今後邊啲行業最能創富，以下就是未來十年16個創造最多百萬富翁嘅行業，而當中頭三位嘅金融服務、高新技術、醫療衞生有必要詳細分析一下當前大勢。首先，金融服務業：作為香港人，對金融服務業絕不陌生，原來呢行係全球專家眼中最容易發達嘅行業，有35.7%專家認為，將在未來10年創造最多嘅百萬富翁。那麼，香港人是否最有福嘅人之一呢？
愈長命 醫療愈賺錢
其次，高新技術行業：這不僅僅係Google或facebook，還有金融技術部門，甚至《Pokémon GO》嘅AR技術。隨着一系列高新技術公司嘅成功，30.9%專家認為這行業將成為造富的主力。
第三，醫療衞生行業：隨着人類壽命愈長，醫療、醫藥行業將成為最重要的賺錢行業，有30.1%專家稱，這將會成為創造富翁數量最多嘅行業之一。
至於餘下嘅行業包括製造業、房地產和建築行業、通訊行業、教育行業、農業和礦業、航空航天運輸行業、可再生能源行業、娛樂消遣行業、商品零售批發行業等。
余絲韻