莊偉忠卸低一田百貨CEO一職後，休息咗只不過三個幾月，估唔到佢尋日咁快就宣布復出返新工！今次佢仲再次涉足金融界，擔任康宏（01019）旗下康宏金融嘅新任行政總裁。
莊偉忠提到，佢出山嘅原因係覺得同康宏主席王利民理念一致，大家都鼓勵走出框框，鍾意創新思維咁話。記得莊偉忠做一田百貨CEO嗰陣，出咗名唔開會、唔捽數，唔知依家做康宏金融CEO，會唔會維持番呢種風格呢？
話說莊偉忠一向好受網民歡迎，呢個復出消息一出，有網民已經喺佢facebook Page度留言，祝賀佢出山返新工。
余絲韻