《致富智庫》過往介紹過唔少殿堂級投資大師及勵志大師，今次要介紹嘅係連「股神」巴菲特也視為榜樣的老師，佢就係格雷厄姆（Benjamin Graham）！
格雷厄姆被譽為「證券分析之父」、「華爾街教父」，以及「價值投資理論」嘅奠基人，佢喺投資界嘅地位相當於物理界的愛因斯坦、生物界的達爾文。
巴菲特曾說，表現優異的投資者一定要與格雷厄姆一樣，不在意甚麼時候買股，或者擔心股價大上大落，因這些投資者是買實業嘅「實業家」，而不是炒家。
格雷厄姆嘅著作《有價證券分析》曾經提到，作為一個成功投資者應遵循兩個投資原則：一、嚴禁損失；二、不要忘記第一原則。
根據呢兩個原則，得出以下「華爾街教父」的選股標準：
如果一家公司符合以下10條中的7條或以上，就可以考慮買入。
1）每股盈利與股價之比（市盈率的倒數）係一般AAA公司債券收益率嘅2倍
2）市盈率應係過去五年中最高市盈率嘅2/5
3）股息率應是AAA級公司債券收益率嘅2/3
4）股價應低於每股有形資產帳面價值嘅2/3
5）股價應低於淨流動資產或淨速動資產清算價值嘅2/3
6）總負債應低於有形資產價值
7）流動比率應在2以上
8）總負債不超過淨速動清算價值
9）盈利在過去十年以來增加了1倍
10）盈利在過去十年中嘅兩年減少不超過5%
如果以上講得太專業，睇埋「華爾街教父」嘅6大忠告。
1）做一名真正嘅投資者
2）注意規避風險
3）以懷疑嘅態度去了解企業
4）當懷疑產生時，想想品質方面嘅問題
5）規劃良好嘅投資組合
6）關注公司嘅股息政策
余絲韻