前日同朋友吃午飯的時候講起，我們都不得不認老了。後生的時候通宵睇波，睇完都仲有精力去食早餐，現在呢？遇上無波入的賽事真是半場已經頂唔順，一入更衣室便睡到第二朝（我是指我），無幾可捱得到尾。
不過，周日凌晨德國大戰意大利的12碼我有睇呀！德國的門神紐亞撲出了兩球12碼，神勇到無朋友！
話時話，大家有無想過，為甚麼德國隊多年來未嘗於國際大賽中射輸12碼呢？原來奧妙就在一個「捉路App」！
話說德國的足總跟當地的程式開發商SAP合作了逾十年，他們會把每場對手的射門位置、力度、角度、慣用腳和助跑的姿勢逐一分析，然後預測捉路，把對手一舉手一投足都掌握於股掌。
其實講到底，這不就是大數據的應用囉！電腦能夠儲存幾千、幾百萬、甚至幾億個「if-then」（假如……就），並就着不同的情景來制訂出應變的策略。至於人腦，你話呢？這樣一拚，怪不得南韓的棋王李世乭都要輸給阿發狗（AlphaGo）啦！到目前為止，阿發狗只要打敗埋中國的鄭潔，就能夠登上世界第一了，你說大數據有幾勁！
上個月中，我搞了一個talk騷，還抄襲了朱克伯格的造型：灰色的圓領tee和牛仔褲，着住Nike的Roshe Grey波鞋來推介科技股。神州控股（00861）是市場上少有hit到大數據概念的股份，是做智能監察系統的。
公司的後台不小，更是滬港通開通以來，首隻被內地國企逐少逐少買，最終被買到要舉牌（買方的持股超越5%披露分界）的股份。買方是廣電運通，做金融系統生意的，目前的持股為14%，或有機再買，關注下啦！
富昌金融研究部總監 譚朗蔚（作者為註冊持牌人士）