創意新勢力：借力英外賣App港男吃得開

邁向龍頭 勢做第一

Deliveroo經營外賣網及App，Brian指，「我哋已邁向龍頭地位，好快做到香港第一。」他稱，此App受歡迎原因，是32分鐘快速送餐服務。「由客喺App落單，餐廳收Order，餐廳聯絡司機，到司機送貨等，我哋會監控整個過程，確保準時送到。」

Brian對平台引進的餐廳有要求，「食物要高質素，唔一定要貴。如香港米芝蓮飲食書，好罕有咁介紹街頭小食，就知香港人好識食，識食唔一定要食得貴。」平台美食包羅萬有，價錢由數十至數百元。

公司已跟多間大型餐飲集團建立獨家夥伴關係，包括美心集團、美麗華集團、太古集團及黃枝記、The Butchers Club等人氣餐廳。他稱：「希望將來無論你在香港任何一個角落，都可用此App享有高質素外賣美食。」他期望此App會囊括每區評價最高的餐廳。

親自出更 迎合本地

為求更盡善盡美，Brian動腦兼動手！儘管倫敦總公司已建立專利科技及物流平台，他深明要成功為公司建立香港品牌，是需要一套本地化經營模式，特別在客戶服務體驗上必要花心思。「喺倫敦，我哋會用單車送外賣；喺香港，除運用電單車外，我哋鍾意請後生仔做跑腿，揹住個背囊Pick Up嘢食，然後再跑去送餐。」

公司兩個月前推出Android中文版App。他早前親自做「外賣仔」，聲稱「自己做過，先知客人滿唔滿意，先了解到司機同餐廳廚師係咪合作無間。」不斷提升服務水平，現在若廚師能早點出餐，會提早知會司機。

進軍香港市場的過程也經歷過辛酸。「幾個月前香港有一日特別凍，外賣需求急增，但人手不足，搞到Order亂七八糟。」其後，他設計出緊急應變計劃，確保日後穩定的服務質素。

而英國公投脫歐之後，英鎊急挫，對英國公司Deliveroo投資海外市場，包括香港的步伐有否影響？Brian稱，「無！匯兌風險等外圍因素係唔會影響總公司對開拓香港外賣App市場的信心及決心。」