韓劇當道，唔止絲絲啲同事要煲，連莎莎（00178）主席郭少明都追！點解？關盤生意事囉。佢仲話「唔睇就Out喇！」
查實郭少明本來唔係咁睇好南韓化妝品，佢話以為興一排就無，點知由「星星的你」到「太陽的你」（嗯，佢真係咁講），雖然韓星轉得快，但韓流一直Keep住。佢話見宋仲基（即係《太陽的後裔》男主角「劉大尉」劉時鎮）敷塊Mask，嗰個牌子就大賣。所以話，韓風真係勢不可擋。
咁太太有冇一齊煲韓劇？郭少明笑話「佢睇得太慢喇！」。不過，絲絲一諗起嗰句「太陽的你」就覺得，講到煲韓劇，睇嚟郭主席似乎仍需努力。
余絲韻