絲絲講場：王冬勝搞Gag賀「分行」開車

冇櫃位 撳存錢自動波

滙豐呢個「周街走」分行，真係一架車嚟。近年計（點解話「近年計」？睇埋落去），滙豐係繼渣打本港第二間推出流動分行車的銀行。兩家嘅流動銀行車有乜唔同先？

嗱，渣打嗰架係Van仔，滙豐呢架就係大貨車。渣打兩位同事就企櫃位，幫客戶開戶同存錢拎錢咁。滙豐就冇櫃位，一位同事就陰功豬企戶外做分行大使，解答查詢；另一位同事「坐房」有冷氣，幫人開戶同買旅遊保咁，但就唔做交易；想提錢存錢，就要用車上面幾部自動櫃員機。至於其他比併，唔該睇表。

成架車，就只得呢幾部提存款機入面有現金。	滙豐流動分行車。	滙豐渣打點鬥撼

滙豐話，依家暫時係一架車服務六個地點，睇市民反應，或會擴展服務。唔講唔知，Peter話，滙豐第一架流動分行車，其實早喺60年代已經出現，當時成架裝甲車咁。

話時話，金管局之前話要「普及金融」，仲點名叫三間發鈔行好快啲搞。人哋兩間都開咗車，喂，中銀香港呢？

余絲韻