呢場由○八年開始嘅賭局，源於多年前巴菲特喺一次演說中質疑收費昂貴嘅對沖基金係咪真係可跑贏大市，引嚟當時任職Protégé Partners（兼為創辦人）嘅Ted Seides，以公司名義邀請股神對賭。
雙方打賭嘅係十年後由Ted Seides所揀嘅五隻對沖基金，抑或巴菲特所揀、追蹤標普500指數嘅領航500指數基金Admiral Shares回報較高。
當年雙方各自攞出32萬美元，本來係用嚟買一批零息債券，令呢筆錢十年後變100萬美元，然後捐去勝出一方所揀嘅慈善機構，但一二年佢哋同意將筆錢轉為買入11,200股巴郡股份（BRK-B），依家已經滾到超過150萬美元（約1,170萬港元）喇。