新世代供略:文青置業 黃大仙易供

「買咩單位都唔係問題,細單位可以靠裝修整靚佢,最重要樓價合理可以上到車!」這是今期新世代供略主角Emily對樓市睇法,她現居住港島區,不過樓價高企,惟有接受現實轉投他區置業。物色市區上車盤,黃大仙的嘉喜大廈是不俗選擇,一些蚊型戶僅265萬元以內有交易,較一些新界樓更划算。

揀九龍區出入方便

一身悠閒少女打扮的準Designer Emily,就算讀緊書都努力做兼職搵錢,「通常將啲人工會分開幾份儲起,用嘅錢會少過儲嘅錢,咁儲蓄會更有效率。」

Emily家住北角,她指,「將來上車有諗過住番港島區,不過如果想快啲、幾年後可以上車,可能要放棄港島而揀其他平啲嘅地區;九龍區也不錯,加上有好多交通工具接駁,出入好方便。」

嘉喜大廈攻迷你戶

Emily又稱,「最重要樓價夠抵,揀細啲嘅單位可以靠裝修去慳位、美化,如果有合適價錢及單位可以置業就最好。」照Emily的看法,若不介意樓齡舊的單幢洋樓格局,東九龍的黃大仙區有不少蚊型上車戶選擇。

坐落蒲崗村道的嘉喜大廈,樓齡約35年,對面蒲崗村道公園,旺中帶靜,綠化地帶充足,尚算清幽。物業主攻迷你戶,有不少單位實用面積僅得200餘方呎,內籠未至於很闊落,惟間隔算四正,部分更有兩間房間。不過出入港鐵站及大型商場需要駁車,需時約10分鐘。

僅4個單位放售

富誠地產陳錫金表示,嘉喜大廈目前只有4個單位放售,最平的低層兩房戶,實用面積255方呎,僅以265萬元放盤,較去年高位做價近300萬元平一大截。今年則錄1宗成交,一個低層戶以233萬元售出。