絲絲講場：中證監至驚大熊大「指」
是咁的，前幾日北京金融街購物中心為配合六月一日兒童節，擺咗兩隻卡通熊公仔喺商場門口空地，點知同大家Say Hi唔夠一陣就被打入冷宮，換咗兩隻猴子公仔。
索性換走 變成兩猴
皆因熊熊手指住中證監，股民最怕熊市，聽到個「熊」字都驚驚，所以網民猛叫商場換走。聽講商場本來只係換個方向，熊熊變咗指住交通銀行，至怕又收投訴，但再轉又會指住北京銀行……結果索性換走對熊熊。
有網民為熊熊平反話咪咁迷信，較中肯嘅就話「雖是假熊，也照顧體諒中國千萬股民的玻璃心吧！」
商場就解釋，對面鄰居話熊熊似舉中指，不雅咁話，所以換走佢。絲絲睇真，熊熊得四隻手指，究竟邊隻先係中指呢？
余絲韻