絲絲講場：兩大Bankers孖住榮休
銀行圈又有人事變動，兩大Bankers退休。
建行亞洲換銀行大班，行長毛裕民星期三已經正式榮休，由原執行董事及常務副行長江先周出任副董事長及行長，接替毛裕民個位。
絲絲記得毛前輩講過，當年佢係唔夠農地耕田先去做銀行家，入建行一做做到退休，好掛住少時豆漿味嘅佢，會唔會告老還鄉還吓種豆心願呢？
至於恒生（00011）執行董事兼零售銀行及財富管理業務主管陳力生（Nixon）將於七月一日起榮休，但會留喺董事會，調任非執行董事。恒生經常畀人話管理層由阿媽滙豐空降，就算Nixon都係來自滙豐工商業務；但今次就由恒生人才內部晉升。零售銀行及財富管理業務主管個位，由關穎嫺升任；而現任客戶管理主管袁建忠，會接替關穎嫺出任個人貸款業務主管。
余絲韻