交友網的安全及私隱問題一直備受關注，問及Michael怎樣核實用戶身份，他回答，「用戶需要用個人facebook帳戶登記，我哋會檢視每位登記人facebook，如睇吓佢哋有幾多朋友等。」他也明白，檢測程序會有漏動，如用戶使用假帳戶等，惟至今未收過任何投訴。
瀏覽DateTix的facebook專頁，竟發現其中一位員工Frieda也採用過此App參加約會。Michael笑稱，「對！Frieda試過，據我了解，嗰次約會唔算成功。」
追問Michael，會否知悉其他用戶約會當日情況，Michael認真道：「梗係唔知！我哋好尊重私隱，絕唔會干預。」然而，App沒有提供約會後其他促進雙方感情的聯誼活動，Michael稱，「用戶唔會話識完一個新朋友就夠，一般會繼續用，所以我哋嘅服務唔係一次過。」
Michael續稱，「個App本身唔係只想幫人搵另一半，亦可以用嚟識同性朋友，只係用戶較鍾意用嚟搵Partner。」他明白，男女認識陌生人的最大動力，是為自己終身幸福。他指，正構思在App內加插一個組織團體約會功能，令約會人數可多過二人，但Michael希望是一比一的男女比例，以方便配對。