創意新勢力：Dating App紅線牽來千六萬
愛情可遇不可求，未能找到另一半，就注定孤獨終老？未必。網上交友近年盛行，DateTix創辦人兼行政總裁葉詮（Michael）趁勢開設交友網站及App，讓都市男女透過網絡認識朋友。公司一四年底在澳洲上市，至今取得300萬澳元（約1,670萬港元）融資。幫人Dating又可吸金，這門網絡生意似一舉兩得。
在上海出生、加拿大長大，現居香港的Michael稱，「人與人之間感情好微妙，但一定要見面先得！DateTix幫大家開拓朋友圈，並將線上朋友拉到線下見面。喺facebook、LinkedIn等社交平台交友，主要是熟人互相溝通；我哋個網及App就撮合陌生人，但網上個人資料唔多，主要係鼓勵佢哋約出嚟見面！」
DateTix澳洲上市
「若兩人都喺同一個時間得閒，如晚上九至十點，就可約見！」用戶可隨意發起或出席約會，只需填寫想約見對象性別、約會目的、希望誰付費、約會時間等，然後從App的建議約會對象名冊內，揀選心儀對象，最後向目標人物發邀請函。一旦對方答應，約會就此促成，每天透過此App發起的約會達200多個。
DateTix App今年二月才推出，公司在一四年開立，當年年底在澳洲上市，主要專注網站業務。由最初集中香港市場，其後亦在深圳及新加坡設辦公室，共聘請約20位員工。Michael更稱，計劃將業務擴充至其他亞洲地區，包括北京、上海及廣州，甚至歐美等地區。
紅娘角色兼吸廣告
在香港的辦公室，他聘請11位員工，負責兩個部門。「一個係紅娘部門，角色係感情顧問，會幫客人計劃整個找尋伴侶攻略，簽約多數以年計，收費約一萬至數萬元，會承諾佢哋一年內可參與若干數目約會。」惟若單靠紅娘部門爭取的生意額作唯一收入來源，則可能太冒險。
另一部門為市場營業部，主要負責推廣App。Michael稱，只要利用facebook帳戶便可登記為會員，並免費在網絡上尋找朋友，目前App用戶已逾二萬名，今年目標是要將活躍用戶增至十萬名。
Michael指，「餐廳可喺我哋網站落廣告，我哋又會將餐廳列入約會可選擇地點之一。公司App擁龐大客源，加上撮合嘅係情侶檔，所以有吸引力！」他續說，App提供一般服務都是免費，若客人要求更高端服務，如可瀏覽更多會員資訊，則需付數十至數百元。他笑言：「畀啲錢，接觸到嘅交友對象就更多！」